JEURI YA PESA ALIYONAYO MTANZANIA JACK PEMBA YAWAACHA HOI WAGANDA WENGI,JE NI KWANINI?? SOMA HAPA...

Jack Pemba akimwaga shampeni kwenye gari lake jipya.

Stori:  Mwandishi Wetu, Risasi

Kampala, Uganda: Kufuru ya matumizi makubwa ya fedha inayofanywa na kijana mwenye uraia wa Tanzania, Jack Pemba nchini Uganda, imewaacha midomo wazi mamia ya wananchi wakati utajiri wake ukitikisa kila kona ya burudani.

Jack Pemba ambaye miaka michache iliyopita aliibua gumzo ya aina yake katika viota mbalimbali vya burudani Bongo, akiimbwa karibu na bendi zote za muziki wa dansi, aliwahi kuwa na uhusiano wa kimapenzi na staa wa sinema za Kibongo, Aunt Ezekiel Grayson ambaye kwa sasa amezaa na dansa wa mwanamuziki wa Bongo Fleva, Nasibu Abdul ‘Diamond Platnumz’, Moses Iyobo ‘Moze’.

AFANYA BETHDEI YA MIL. 100

Mapema mwaka jana, Jack Pemba alifanya sherehe ‘bethidei’ ya kufuru wakati akisherekea kutimiza umri wa miaka 42, iliyofanyika kwenye Hoteli ya Speke Resort Munyonyo iliyopo pembezoni mwa Ziwa Victoria, nje ya Mji Mkuu wa Uganda, Kampala.

Katika sherehe hizo, kiasi cha shilingi milioni 100 za Uganda ziliteketea, katika sherehe iliyohusisha wageni wapatao mia moja ambapo keki kubwa ilikatwa huku waalikwa wakiburudishwa laivu na bendi ya muziki.

Wakati akifika katika sherehe hiyo, Jack Pemba alitinga kwa usafiri maalum wa boti, akiwa ameambatana na wapambe kadhaa. Ilidaiwa kuwa baada ya pati hiyo, baadhi ya waalikwa walipelekwa katika Kisiwa cha Seychelles kujipongeza.

ENEO LA MAEGESHO LATISHA

Kwa mujibu wa picha za mnato na video zilizopatikana katika mitandao ambazo gazeti hili ‘linazishikilia’, Jack Pemba anasikika akiyataja magari yake ya bei mbaya, yaliyoegeshwa katika nyumba anayoishi, ambayo hata hivyo haijulikani kama ni Kampala au Munyonyo. Anayataja aina ya magari hayo kuwa ni pamoja na 4 Matic, Hammer H3, Aud, BMW X 6, Toyota Alphard na Range Rover Sport 2016.

MVINYO WA BEI MBAYA WAOSHEA RANGE ROVER

Katika kile kinachoonekana kama kulibariki gari lake jipya, Range Rover Sport 2016, katika video nyingine, Jack Pemba anaonekana akiliosha na mvinyo aina ya Johnnie Walker Black Label, unaotajwa kuwa ni miongoni mwa pombe zinazouzwa kwa bei ghali.

Range Rover yake mpya.

ALETA NYODO KWENYE TUZO

Mei mwaka jana, Jack Pemba alialikwa katika sherehe za utoaji tuzo zinazojulikana kama Abriyanz Fashion Awards zilizofanyika kwenye Ukumbi wa MTN Arena, Lugogo, MC wa shughuli hiyo, Roger Mugisha aliwatambulisha watu kuwa kulikuwa na mfanyabiashara mkubwa kutoka Tanzania ambaye anaitwa Jack Pemba.

Magari yake yakiwa yamepaki

Alipomtaja jina na kumtaka kusimama ili kuwapungia mikono waalikwa, Jack Pemba hakupunga, bali aliachia tabasamu na kutoa burungutu la fedha na kuzirusha hewani noti za Uganda ambazo zilianza kugombewa na watu wote waliokuwemo ukumbini. Inakadiriwa alirusha kama milioni saba hivi kwenye tukio hilo.

WAGANDA WAHOJI, HUYU NI NANI?

Baadhi ya wadau wa burudani wa Uganda wamekuwa wakihoji Jack Pemba anayeandikwa na vyombo vya habari nchini humo ni nani, ingawa wanafahamu kuwa kijana huyo ni Mtanzania. Wanashangazwa na mbwembwe zake kiasi kwamba anaonekana kuwafunika vijana wanaounda kundi linalojulikana kama Rich Gang, ambalo linamhusisha pia mume wa zamani wa mwandani wa Diamond Zarinah Hassan ‘Zari The Boss Lady’, Ivan Semwanga.

Akiwa Uganda, Jack Pemba anatajwa kuwa mtu anayependa sana kuvinjari na wasichana warembo na mara kadhaa, picha zake zimeonekana akiwa na mabinti tofautitofauti.

WANAOMJUA WANAVYOSEMA

Mtu mmoja aliyezungumza na gazeti hili, aliyejitambulisha kwa jina moja la Mwendapole, alisema anamfahamu Jack kama kijana mpenda starehe na anayetaka uwepo wake kutambuliwa popote anapokuwa.

Mmoja wa viongozi wa bendi ya FM Academia, aliyeomba hifadhi ya jina lake, alisema staili ya maisha ya kijana huyo siyo nzuri, kwani uzoefu wake unamuonyesha wengi huishia pabaya.

“Jack Pemba ni mtu wetu, anawasaidia sana wanamuziki wetu na kwa kweli sijui kwa sasa yupo wapi, wengine wanasema yupo Sauz, wengine UK (Uingereza), lakini ninachokifahamu ni kwamba starehe nyingi zinapofua.” 

TUJIKUMBUSHE KUHUSU JACK PEMBA

Jack Pemba ni kijana wa Kitanzania ambaye aliibuka na kupata umaarufu mkubwa mwishoni mwa miaka ya 2000, baada ya kuwasili akitokea Uingereza, inakosemekana ana mke mzungu na watoto.

Akiwa Bongo, Jack Pemba ambaye ni mkali kwa ‘totoz’ alitembea na Aunt Ezekiel, lakini wakaachana miezi michache baada ya kutoelewana.

Jack Pemba ni maarufu miongoni mwa wanamuziki, kwani ni mmoja kati ya mapedeshee wanaofahamika kwa kutunza kiasi kikubwa cha fedha jukwaani, huku akizawadiwa kwa kuimbwa kwenye nyimbo.

This post was written by: Author Name

Your description comes here!

Get Free Email Updates to your Inbox!

• Rss
• Twitter
• FaceBook
• Google +

on Wednesday, 24 February 2016