Habari za uhakika kutoka wilayani humo na kuthibitishwa na Mkuu wa Wilaya hiyo, Juma Njwayo na Kamanda wa Polisi mkoani hapa, Renatha Mzinga (pichani), zinaeleza ajali hizo mbili zinazofanana zimetokea juzi saa 2:30 asubuhi.
Baadhi ya mashuhuda wa ajali hiyo akiwemo mwenyekiti wa mji mdogo wa Kivinje, Mohamedi Peta na walioshiriki kuokoa abiria hao, wameliambia gazeti hili kuwa, abiria hao wakiwamo wawili, wenyeji wa Zanzibar, walikuwa wakitokea mji mkongwe wa Kivinje kwenda kisiwa cha Songosongo katika shughuli za kibiashara.
‘Ajali hii iliyohusisha wafanyabiashara wawili wa dagaa kutoka Zanzibar, walikuwa wakienda Songosongo kununua bidhaa hiyo kwa ajili ya kupeleka nchi ya Kongo (DRC),’ alisema.
Mkuu wa wilaya hiyo, Njwayo, akizungumza na gazeti hili kwa njia ya simu, amekiri kutokea kwa vifo hivyo.
‘Taarifa hiyo ni ya kweli, lakini nitashindwa kukuelezea kwa kina, kwani nipo nje ya wilaya yangu, hivyo bado sijapata ripoti kamili kutoka kwa wataalamu wangu,’ alisema.
Alitaja chanzo cha ajali hiyo ni kuchafuka kwa bahari, kunakochangiwa na upepo mkali unaoendelea kuvuma kwenye Bahari ya Hindi.
Kamanda wa Polisi mkoani Lindi, Mzinga alithibitisha kutokea kwa ajali hiyo iliyotokana na boti mbili tafauti, ikiwemo mali ya Halmashauri ya wilaya ya Kilwa, inayotumika kutoa huduma ya kusafirisha watu kati ya Kivinje na kisiwa hicho, iliyokuwa imebeba abiria 16 wakielekea kisiwa cha Songosongo.
Aliwataja waliopoteza maisha kuwa ni, Hassan Ally Fundi (40), mkazi wa Msinjahili, Manispaa ya Lindi na Rashidi Zawena (36), mwenyeji wa mkoa wa Tanga.
‘Wavuvi hawa walikuwa wanatumia boti ndogo inalofahamika kwa jina la Dingi, walikuwa wakirejea baharini kuvua, walipofika karibu na maeneo ya pwani, walibadilisha chombo na kutumia mtumbwi mdogo ili uwafikishe ufukweni, lakini kabla ya lengo lao halijatimia mtumbwi ulipinduka na kupoteza maisha,’ alisema.
Aliwataja watu wengine watano waliofariki na wakiwa kwenye boti ya halmashauri kuwa ni Asha Mahula, Eva Ngwavi wengine watatu waliotambulika kwa jina moja moja, Mariamu, Zuwena na Bishara.
CHANZO: NIPASHE
This post was written by: Author Name
Your description comes here!
Get Free Email Updates to your Inbox!
Post a Comment