WAZIRI mkuu mstaafu, Edward Lowassa, amezua taharuki mjini Kahama, baada ya maelfu ya wananchi kujitokeza kumlaki. Anaandika Alli Litya, Kahama … (endelea).
“Mara baada ya kufika katika hospitali ya Kahama, ghafla uliibuka umati mkubwa wa wafuasi wa Ukawa, waliokuwa wamepeana taarifa kwa njia ya simu za mkononi juu ya ujio wa kiongozi wao,” anaeleza mmoja wa viongozi wandamizi wa UKAWA, mjini Kahama.
Lowassa, aliingia mjini Kahama kimyakimya mchana wa leo, ili kuwajulia hali wachimbaji wanne wa dhahabu waliokuwa wamelazwa katika hospitali ya Kahama.
Wachimbaji hao wamelazwa hosptalini hapo baada ya kufukiwa na vifusi kilichotokana na kuporomoka kwa udogo uliyofunika njia ya kuingia mgodini.
Mwanasiasa huyo anayeaminika kuwa ndiye aliyeshindi uchaguzi mkuu wa Oktoba, amefika hospitalini hapo na kutoa pole ya Sh. 2 milioni.
Katika safari hiyo, Lowassa aliambatana na Mbunge wa Viti Maalumu (Chadema), mkoa wa Shinyanga, Salome Makamba.
Makamba alilazimika kuwatuliza wananchi waliokuwa wakimshangilia Lowassa kwa kumuita rais na kuwaomba wasiwapigie kelele wagonjwa.
Aliwataka wamsubiri Lowassa atoke nje ya eneo la hospitali kwa kuwa safari yake ililenga kuwapa pole wagonjwa.
Akiwa katika wodi namba mbili ambayo waathirika wanne wamelazwa baada ya mwenzao mmoja Onyiwa Moris, kufariki dunia juzi, Lowassa aliwajulia hali waathirika na kisha kuwapa pole ya Sh. 500,000 (laki tano) kwa kila mmoja.
Amesema, anaungana na watanzania wengine kuwapa pole na kuwafariji na kwamba anaamini msaada huo aliowapa utawasaidia kwa matumizi mbalimbali wakiwa bado hospitali.
Joseph Burule, mmoja wa waathirika wa tukio hilo amesema, kufika kwa Lowassa kuwajulia hali, kumewapa faraja kubwa na kumewaongezea huzuni ya kukumbuka kuondokewa na mwenzao aliyefariki juzi saa sita mchana.
Burule ndiye mara baada ya kuzinduka alihoji kama Lowassa, ameshinda urais. Alipoambiwa aliyetangazwa kuwa mshindi, ni John Magufuli,alinyong’onyea na kuonyesha kuzidiwa na maradhi.
Hata hivyo, alionekana mchangamfu zaidi baada ya kumuona Lowassa na kudai kitendo cha kuwatembelea hospitalini hapo kimewapa moyo kwakuwa tangu waokolewe na kuanza kupatiwa matibabu, hakuna kiongozi hata mmoja aliyefika kuwajulia hali.
Wachimbaji hao wa madini, waliishi katika mashimo ya dhahabu kwa siku 41 na kuokolewa wote wakiwa hai.
Chacha Wambura alimueleza Lowassa kuwa hali zao hazijaridhisha hivyo anaiomba serikali iangalie uwezakano wa kuwahamishia katika hospiatli ya Rufaa ya Bugando kwa uchunguzi zaidi.
==>jamiiyetubongo.com
This post was written by: Author Name
Your description comes here!
Get Free Email Updates to your Inbox!
Post a Comment